260
REGISTRES DU BUREAU
[i563]
mourant rue au Feurre, auroit, ce matin, faict char­ger en charrette une voye de bois d'un basteau n'estant deschargé à terre et estant de present au port Sainct Germain, et sans appeller aucun juré, chose directement contre les ordonnances de lad. Ville; au moyen de quoy auroient faict admener lad. voye de boys, ensemble le Charlier conducteur d'i­celle, ceans, pour en estre par nous ordonné ainsi que de raison, et que par led. Le Clerc present a esté dict que ung nommé Girard demourant rue Mortel­lerye, à l'enseigne du Moustier, luy a baillé lad. voye de bois avecq une aultre voye qui luy a pro­mise, avons ordonné que led. chartier sera mis el constitué prisonnier es prisons de ceans; et neant­moins que, ced. joui', dix heures du matin, lesd. Le Clerc et Girard comparoistront ceans, led. Girard à la dilligence dud. Le Clerc pour respondre à telles fins, requestes et conclusions que le Procureur du Roy. et de lad. Ville vouldront contre eulx prandre ct eslire.
Valides.
Ced. jour, a esté ordonné, actendu la charte du temps et presente saison, que les pauvres valides employez es œuvres de la fortiffication de lad. Ville auront, assavoir, les hommes deux solz six deniers ct les femmes deux solz par chacun jour, et ce à compter du jour d'huy jusques au dernier jour d'Aoust prochain.
Au jourd'huy, au Bureau de lad. Ville, sur ce que inc Jehan Fleurdeville, procureur es auditoires basses du Chastellet de Paris, a requis que, actendu qu'il est receu procureur aud. Chastellet et d'icelluy faict le serment en tel cas acoustumé, aussy qu'il a des son jeune aage toujours praticqué et patrociné en l'Hostel de lad. Ville, il nous pleust le recevoir aud. estat de procureur ceans. La matiere mise en delibe­ration et oïz sur ce en leurs causes d'empeschemens m" Bonadventure André, Guillaume Cellot, Guil­laume Moisant et Lois Personnier, procureurs oud. Hostel de Ville, et encores led. Moisant soy faisant fort des aultres procureurs postullansaud. Hostel de Ville, et aussy que le nombre desd, procureurs est plus que suffizant et n'est besoing aucun recevoir, avons led. Fleurdeville deboutté de sad. requeste, et en ce faisant ordonné qu'il ne sera receu aud. es­tal, et ce pour aucunes bonnes et justes causes ad ce nous mouvans.
Degà in.
Sur la plaincte faicte par Aubert Degain, escuier, seigneur de Grieux, panetier de monseigneur le car­dinal de Bourbon, de ce que, le jour d'hier, de soir, estant appuyé sur le quay près le port au Foing vint ung estreufW le frapper par le pied, et tost après vindrent à luy aulcunes personnes à luy in-congneuz, luy disant qu'il se oslast de là, l'appellant huguenot, s'efforçant le oultrager, a esté ordonné que les capitaines Chevanson, de la Table et Mer­cier seront presentement mandez pour sçavoir et enquerir la verité du faict, pour y estre pourveu ainsi que de raison.
De La Grangé. — Gaultier. Ced. jour, oïz les capitaines de La Grange et Gaullier sur les excès et violences commises samedi, de soir, à aucuns officiers des compaignyes desd, ca­pitaines pour le reffuz faict par le caporal, ou aultre aiant led. jour le mot et commandement pour la nuict au quartier et Dixaine dud. capitaine de La Grange, oïz aussy Estienne Regnard, Jehan De­launay, Lienard Vivien, Simon Frippier, Gilles Gil­bert et aultres qui ont affermé par serment que, samedi dernier, environ l'heure de douze heures, faisant leur ronde, led. capitaine demanda le mot du guet à Charles Damaye, caporal dud. capitaine aiant le mol de la nuict, à qui ilz estoient, et où estoit leur capitaine, à quoy led. caporal luy deist qu'il estoit en sa garde et n'estoit tenu luy donner led. mot. Et sur ce, led. Gaultier deist, jurant la mort Dieu, qu'il leur coupperoit la gorge, disant à ses gens qu'ilz tirassent, demandant où estoit led. capitaine, et que s'il y estoit, qu'il luy donneroit, a l'occasion de quoy y eut grande insolence et que­relle entre lesd, deux compaignies et coups dc hal­lebardes donnez. Et de la part dud. capitaine Gaul tier ont esté produictz et oiz pour tesmoings Jullien Alman, François Le Bourg et aultres, qui ont affermé que à la verité led. Gaultier demanda aud. caporal led. mot, qui luy reffusa; à quoy led. Gaultier deist que si led. sr de La Grange y eust esté, il luy eust bien baillé, mais ne firent tirer aucuns coups de ca­non, et n'ont oy jurer led. capitaine, qui toutesfois deppuis receut dud. caporal led. mot du guet. Par­ties oïes, icelles mettons hors de court et dc procès et sans despens d'une part et d'autre, et deffences à
O Un estrief était uno barre do fer, coudée en deux endroits, servant à soutenir une poutre.